მთავარი ჩვენ შესახებ პროექტები კვლევები პუბლიკაციები დონორები პარტნიორები
პროგრამები:
სამართლის
სამოქალაქო საზოგადოების
ეფექტური მმართველობის
საჯარო პოლიტიკის
ეკონომიკური განვითარების

რესურსები:
იურიდიული დახმარება
თვითმმართველობა
ვიდეო გალერეა
დაგვიკავშირდით


e-learning.ge

cssi

Open Forum for CSO Development Effectiveness

აღმოსავლეთის პარტნიორობა - საქართველო

    Facebook  

სამოქალაქო საზოგადოების ინსტიტუტი, სამოქალაქო კამპანია ''ეს ქვეყანა შენიას'' ფარგლებში, აცხადებს კონკურსს ჟურნალისტებისათვის ''ეს ქვეყანა შენია''

კონკურსის მიზანია საქართველოში სამოქალაქო საზოგადოების გაძლიერების ხელშეწყობა და საზოგადოებრივი ორგანიზაციების ცნობადობის გაზრდა.
ნაშრომი (სტატია, სიუჟეტი, ფოტო) უნდა მოიცავდეს შემდეგი 3 მიმართულებიდან ერთ-ერთს მაინც: 

სამოქალაქო საზოგადოების ღირებულებების (თავისუფლება, თანასწორობა, სოლიდარობა და ა.შ.) დამკვიდრება;
  • სამოქალაქო საზოგადოების (არასამთავრობო) ორგანიზაციების საქმიანობის წამოჩენა;
  • საქართველოს მოქალაქეებში სამოქალაქო პასუხისმგებლობისა და სამოქალაქო აქტივიზმის გაძლიერება.
კონკურსის გამარჯვებულები გამოვლინდებიან 5 ნომინაციაში:

  • საუკეთესო სტატია (გაზეთი, ჟურნალი, მულტიმედია);
  • საუკეთესო სატელევიზიო სიუჟეტი;
  • საუკეთესო რადიო სიუჟეტი;
  • საუკეთესო ფოტო ნამუშევარი;
  • გარდა ზემოთ აღნიშნული ნომინაციებისა, რეგიონული და სტუდენტური მედიის მხარდაჭერის მიზნით, ჟიური დამატებით გამოავლენს საუკეთესო ნამუშევრებს (ნომინაციების მიუხედავად) რეგიონული მედიის და სტუდენტ ჟურნალისტებს შორის.
თითოეულ ნომინაციაში საუკეთესო ნაშრომებს გამოავლენს კომპეტენტური ჟიური.
I ადგილი: 3 000 ლარი
II ადგილი: 1 500 ლარი
III ადგილი: 1 000 ლარი
  • საკონკურსო მასალა გამოქვეყნებული უნდა იყოს 2020 წლის განმავლობაში (რეგიონულ ან ცენტრალურ მედია საშუალებაში, მათ შორის ონლაინ მედიაში, ფოტოს შემთხვევაში ნებისმიერ ონლაინ რესურსზე);
  • საკონკურსოდ არ მიიღება კამპანია „ეს ქვეყანა შენიას" ფარგლებში დაფინანსებული მედია-მასალები;
  • ნაშრომების შემოტანა შესაძლებელია მხოლოდ ელექტრონულად (გამოქვეყნების დამადასტურებელი ლინკის თანხლებით) შემდეგ ელ-ფოსტაზე: n.samsonidze@civilin.org
  • გამოგზავნისას მეილის სათაურში (subject-ველი) მიუთითეთ:
  • „ ჟურნალისტთა კონკურსი: ეს ქვეყანა შენია"
შეფასების კრიტერიუმები:
  • შესაბამისობა კამპანიის მიზანთან;
  • აქტუალობა - რამდენად მნიშვნელოვანია დასმული საკითხი;
  • კრეატიულობა - რამდენად ინოვაციურია იდეა და რამდენად ორიგინალურად არის იგი წარმოდგენილი;
  • გავლენა - რამდენად არის ზეგავლენის მქონე, მამოტივირებელი, შთამაგონებელი და „აჰა" განცდის მომგვრელი საკონკურსო ნაშრომი;
  • წერილებში, სტატიებსა და სიუჟეტებში პრიორიტეტულია სათქმელის გადმოცემა ამბის თხრობით, ფაქტებით და შედარებით ნაკლებად – მსჯელობით.
გთხოვთ, საკონკურსო მასალა გამოაგზავნოთ არაუგვიანეს 30 ნოემბრისა
შემდეგ მისამართზე:
საკონტაქტო პირი: ნინო სამსონიძე 577 693074

კამპანია „ეს ქვეყანა შენია" ემსახურება საქართველოში სამოქალაქო საზოგადოების გაძლიერებას.

კამპანია მოიცავს 3 ძირითად მიმართულებას:
  • სამოქალაქო საზოგადოების ღირებულებები;
  • სამოქალაქო საზოგადოების ორგანიზაციების საქმიანობა;
  • სამოქალაქო აქტივიზმი.
ქვეყნის განვითარება მნიშვნელოვნად არის დამოკიდებული აღნიშნულ პროცესში თითოეული მოქალაქის მიერ მისი როლისა და პასუხისმგებლობის გაცნობიერებაზე.
სამოქალაქო კამპანია „ეს ქვეყანა შენია" მიმდინარებს „სამოქალაქო საზოგადოების განვითარების ინიციატივის" ფარგლებში.

პროექტი „სამოქალაქო საზოგადოების განვითარების ინიციატივა" ხორციელდება კონრად ადენაუერის ფონდის (KAS) მიერ სამოქალაქო საზოგადოების ინსტიტუტთან (CSI), კონსულტაციის და ტრენინგის ცენტრთან (CTC), საქართველოს სტრატეგიული კვლევებისა და განვითარების ცენტრთან (CSRDG) და განათლების განვითარების და დასაქმების ცენტრთან (EDEC) თანამშრომლობით. პროექტს აფინანსებს ევროკავშირი და კონრად ადენაუერის ფონდი.