როგორც მოგეხსენებათ, სამოქალაქო საზოგადოების ინსტიტუტი ატარებს კონკურსს რეგიონული მედიის ჟურნალისტებისთვის თემაზე: “სამოქალაქო აქტივობა!”.
კონკურსის მიზანია ხელი შეუწყოს სამოქალაქო აქტივობის, საზოგადოებრივი ორგანიზაციების საქმიანობის და მოქალაქეთა ინიციატივების უფრო ფართოდ და ღრმად გაშუქებას.
კონკურსი გაიმართა 3 ნომინაციაში:
საუკეთესო საგაზეთო სტატია;
საუკეთესო სატელევიზიო სიუჟეტი;
საუკეთესო რადიო სიუჟეტი.
კონკურსის ჟიურიმ (ზვიად ქორიძის, დავით პაიჭაძის და სოსო სიმონიშვილის შემადგენლობით) გამოავლინა გამარჯვებული ჟურნალისტები.
ჟიურის გადაწყვეტილებით, საუკეთესო სტატიისა და საუკეთესო რადიო-სიუჟეტის ნომინაციებში გამარჯვებული არ გამოვლინდა.
საუკეთესო სატელევიზიო სიუჟეტის ნომინაციაში გამოვლინდა 2 გამარჯვებული: მარიამ აშუღაშვილი (კახეთი) და ნინო ჩიბჩიური (შიდა ქართლი), რომელთაც გადაეცემათ 500-500 ლარი;
საუკეთესო სტატიის ნომინაციაში წამახალისებელი პრემია (300 ლარი) გადაეცემა თემურ მარშანიშვილს (გურიის მოამბე, ოზურგეთი);
სამოქალაქო საზოგადოების ინსტიტუტის სპეციალური პრიზი და 500 ლარი გადაეცემა გოგა აფციაურს (რადიო თავისუფლება, გორი.)