თბილისი. 19 სექტემბერს, სამოქალაქო საზოგადოების ინსტიტუტმა პროექტის – „გამოყენებითი კვლევების ხელშეწყობა საქართველოს რეგიონული განვითარებისთვის”- ფარგლებში სამუშაო შეხვედრა გამართა.
ღონისძიების მიზანი იყო რეგიონული განვითარების პროგრამის პრეზენტაცია: ძირითადი მიზნების, მიმართულებებისა და კონკურსის პირობების აუდიტორიისთვის გაცნობა; პროგრამის პირველი ეტაპის თემების განხილვა: საკონკურსო თემების მიზნების წარდგენა და პროექტის მმართველი საბჭოს მოლოდინების გაცნობა; პროგრამის მეორე ეტაპის პოტენციური თემების განსაზღვრა და პროექტის მმართველის საბჭოსთვის შეთავაზება; რეგიონული განვითარების სფეროში მომუშავე ანალიტიკური ორგანიზაციების ურთიერთთანამშრომლობის ხელშეწყობა.
შეხვედრას დაესწრნენ საზოგადოებრივი ორგანიზაციების წარმომადგენლები, სფეროს ექსპერტები, ევროკავშირის წარმომადგენლები, ასევე რეგიონული განვითარების და ინფრასტრუქტურის; განათლების და მეცნიერების; ევროპულ და ევროატლანტიკურ სტრუქტურებში ინტეგრაციის სახელმწიფო მინისტრის აპარატის წარმომადგენლები.